Grånosmyrane

Grånosmyrane naturreservat ligg i Aurland og Voss kommunar og er eit mosaikkprega fjell- og våtmarksområde på om lag 3350 dekar. Området er karakterisert ved gras, lynghei, starrmyr, vier, grunne basseng og elver.

Området har store naturfaglege kvalitetar knytt til fugleliv. Her hekkar mellom anna lappsporv, som har ein av sine sørvestlegaste bestandar i kontinental Europa på Grånosmyrane. I tillegg hekkar fjæreplytt, boltitt, heilo, fjellrype og rødstilk i området. Jordugle hekkar her i gode smågnagerår, noko som er sjeldan i regionen.

Reservatet vart freda ved kgl.res. 15. desember 1995 med føremål om å verne eit fjell- og våtmarksområde med hekkefunksjon for eit rikt og sårbart fugleliv. Fredningsforskrifta forbyr all skade på vegetasjon og dyreliv, motorisert ferdsel, jakt og fangst, samt inngrep som kan endre dei naturlege tilhøva. Camping og teltslaging er forbode i perioden 1. juni til 1. august. Det er likevel tillate å beite, fiske, sanke bær og sopp, og jakte på hønsefugl, hjortevilt, hare og raudrev og mink. Forvaltninga av reservatet er tillagt Verneområdestyret for Nærøyfjorden.