Illholmane

Illholmane naturreservat ligg i Vindafjord kommune og består av to frittliggjande holmar i Bjoafjorden med eit samla areal på 300 dekar, der 120 dekar er landareal. Reservatet vart oppretta ved kgl.res. 3. april 1987 og er ein del av verneplan for sjøfugl.

Området har store naturfaglege kvalitetar knytta til sjøfugl, med høg artsrikdom og gode hekkeførekomstar. Viktige artar er sildemåse, fiskemåse, stormåsar, raudnebbterne, teist og grågås. Holmane fungerer som ein viktig hekkelokalitet, og det er også registrert gråhegre i området.

Føremålet med vernet er å sikre best mogelege vilkår for sjøfuglane og å ta vare på dei plante- og dyreartane som naturleg høyrer til området.

Verneforskrifta slår fast at all vegetasjon er freda mot skade og øydelegging, og alt vilt er freda mot skade, øydelegging og unødig uroing. Jakt, fangst og bruk av skytevåpen er forbode i perioden 1. april til 9. september. I tida 15. april til 31. juli er det forbod mot ilandstiging og ferdsel på holmane og i ei sone på 50 meter frå land. Lågtflyging under 300 meter er òg forbode i denne perioden. Camping og teltslaging er forbode. Det er ikkje tillate å setje i verk tiltak som kan endre dei naturgitte tilhøva i området.