Senjen

Senjen naturreservat ligg på ei eksponert holme ytst i Fitjarøyane i Bømlo kommune. Reservatet er på totalt 70 dekar, der 26 dekar er landareal og resten sjøareal. Toppen av holmen har frodig vegetasjon av urter og gras, typisk for område som er påverka av lang tids gjødsling frå fuglar.

Området vart opprinnleg verna på grunnlag av ein sildemåsekoloni på 28 par i 1979, i tillegg til svartbak og gråmåse. Seinare har også raudnebbterne og makrellterne hekka her. I 2011 hekka om lag 35 par gråmåse, 3 par svartbak og 2 par sildemåse, og det var indikasjonar på hekkande toppskarv.

Verneformålet er å sikre gode vilkår for sjøfuglane og ta vare på ein viktig hekkelokalitet. Forskrifta forbyr all skade på vegetasjon og dyreliv, og det er ikkje tillate å setje i verk tiltak som kan endre dei naturgitte tilhøva. I hekketida, frå 15. april til 31. juli, er det forbod mot ilandstiging og ferdsel på holmar og skjer i ei sone ut til 50 meter frå land. Lågflyging under 300 meter er også forbode i denne perioden. Jakt, fangst og bruk av skytevåpen er forbode frå 1. april til 9. september.