Seljebotsmyrane

Seljebotsmyrane naturreservat ligg i Fjord kommune i Møre og Romsdal, om lag 12 km aust for Stordal sentrum. Reservatet er på 690 dekar og vart freda ved kongeleg resolusjon 13. desember 1996. Det er forvalta av Statsforvalteren i Møre og Romsdal.

Den dominerande myrtypen er bakkemyr, men ein finn òg flatmyr og parti med kanthøgmyr ned mot elva. Vegetasjonen er i hovudsak fattig, med rome, blåtopp og småbjønnskjegg som vanlege artar. Kjeldevegetasjonen er mellomrik, og det finst fleire interessante artar som klokkelyng, svarttopp, sumphaukskjegg, smørtelg, myrkråkefot, kystmyrklegg, fjelltistel og sivblom. Formålet med fredinga er å ta vare på eit representativt bakkemyrområde for regionen.

Fredningsforskrifta slår fast at all vegetasjon er freda mot skade og øydeleggjing, og at det ikkje er tillate å gjennomføre tiltak som kan endre dei naturgjevne tilhøva. Motorisert ferdsel på barmark er forbode. Tradisjonell beiting, sanking av bær og matsopp er likevel tillate. Forvaltingsstyresmakta kan gje løyve til uttak og planting av skog på fastmark, og kan gjennomføre skjøtselstiltak i samsvar med fredingsformålet.