Romsa

Romsa naturreservat ligg på øya Romsa i Vindafjord kommune og dekkjer eit areal på om lag 213 dekar. Området vart freda ved kgl.res. 13. oktober 2000, med heimel i lov om naturvern.

Føremålet med vernet er å ta vare på ein av dei største og mest vitale kristtornbestandane i landet. Kristtorn veks over heile øya, dels i nesten reine bestand og dels i blandingsskog med furu, eik, hassel, ask og svartor. Trehøgda varierer frå 4–5 meter til over 10 meter, og stammediameter på om lag 30 cm finst relativt hyppig. Det er god aldersspreiing frå 1 til over 100 år. Berggrunnen er fyllitt og kvartsglimmerskifer. Ein risiko for området er spreiing av platanlønn og framande bartre frå omkringliggjande areal.

Verneforskrifta forbyr mellom anna inngrep som kan endre naturmiljøet, fjerning av planter, innføring av nye planteartar, motorisert ferdsel og organiserte arrangement. Det er likevel tillate å sanke bær og matsopp, fiske og drive tradisjonell beiting. Forvaltningsstyresmakta kan gje løyve til organisert verksemd og forsiktig tilrettelegging av stiar. Statsforvalteren i Rogaland har forvaltningsansvaret for reservatet.