Heigremyra

Heigremyra naturreservat ligg om lag 4 km vest for Sandnes sentrum i Rogaland, og dekkjer eit areal på 77 dekar. Området vart freda ved kongeleg resolusjon 20. desember 1996.

Heigremyra er den viktigaste resten etter det tidlegare fuglerike Skasvatnet, som vart seinka på 1800-talet. Området inneheld ulike naturtypar, mellom anna lauvskog, vierkratt på sumpmark, myrparti dominert av pors og røsslyng, og sumpparti med takrør. Reservatet er eit viktig hekkeområde med stor artsrikdom, og totalt er 136 fugleartar observerte her. Blant desse finn ein raudlista artar som myrrikse (EN), skjeiand (VU) og nattergal (NT). Den raudlista lavarten liten praktkrinslav (VU) er også registrert i området.

Føremålet med fredinga er å bevare våtmarksområdet med naturleg vegetasjon og dyreliv, særleg som hekkeplass for våtmarksfugl. Fredingsreglane forbyr mellom anna skade på vegetasjon og dyreliv, inngrep som endrar naturforholda, motorisert ferdsel, camping og lågtflyging under 300 meter. Hunder skal haldast i band, med unntak for jakthund under jakt. Statsforvaltaren i Rogaland er forvaltningsmyndigheit.